نبض القلب لمصري حر
هل أحنا عيشين ولا ميتين ولا ملاناش وجود في ذهن الناس اللي بتلعب بمصير الناس الغلابة ؟ و الهي السؤال ده محيرني ومش متخيل إن الناس اللي لهم سلطة و جالسين على كراسي هامة ومهمة في البلد متجاهلين او نسين الناس الغلابة اللي عيشين علي قوت يومهم ده لو لقوه الحمد لله على كل شئ و لكن الي متى الظلم و الى متى التجاهل لهولاء الفئة التي أصبحت أكثر فئة بمصر هل لو تغيرت الحكومة النظيفة أقصد حكومة نظيف أما لو تغيرت الريسة من السيد الفاضل رئيس جمهوريتني محمد حسني مبارك و أمسكه سيادة الأستاذ رئيس الحزب الوطني الحالي جمال محمد حسني مبارك هل سيتغير شئ بطبع ……!!!
وأمامنا الكبر مثل على عدم التغير بنسبة للبلد و الشعب فتذكروا بوش الأب وبوش الابن هل تغير شئ بطبع لالالالالالالالالا ! بل بوش الابن وضع بلاده في وضع ضاعت هيبتها نسبيين في تغير ولا تقدم ولا أي أحلام ولا أي خطط ولا أي إصلاحات ستدخل البلد مع من سيائتى من بعد مبارك هو كله ( ضحك على الدئون ) نعم لن يغير أي شئ في البلد ألا من كان يعيش مع الشعب وأحس بما يحس به الشعب وأكل كما يأكل الشعب وليس رجل مثل الباشا جمال مبارك الذي سأله المذيع وهو في برنامج تليفزيوني كيف تقضي يومك ؟؟؟؟؟ فرد عليه سيادة الرئيس القادم وقال ذي أي شاب مصري أصحا من نومي واقرأ الجريدة وامشي شوية في حديقة الفيلا وافطر واذهب للنادي و ممكن العب شوية رياضة و اعود الفيلا أحد دش و أنام شوية وبعدها أشوف اللى وراية من اعمال !!
فرد علية المذيع رد جرئ وقاله هما كل شباب مصر بيعملوا كده . صح هم شباب مصر بيعملوا كده ذي مالباشا جمال مبارك اللى هيحكم مصر بيعمل للأسف أحنا معندناش فيلاه ولا معنا فلوس نشترى الجريدة كل يوم ومفيش عندنا نادي رياضي محترم علشان نروح نلعب فيه ولا نملك بيت من الأساس ولو كان عندنا بيت للأسف بتكون غرفتين وصاله حمام ضيق ومطبخ على الاد هنجيب الحديقة منين يا سيادة الرئيس المنتظر .
هو ده اللى يحقق سلام وإصلاح ويعيش الشعب في سعادة انا واحد من الناس ومن الشباب وبتفائل خير عرفين هو إيه الخير ؟؟؟؟ أقولكم !!
أتوقع عندما يصبح مبارك الابن علي كرسي العرش وان تكون سلطة مصر بيده ستخلوا مصر من ظاهرة البطالة لأسباب أولاً سيأمر سيادته بحبس كل عاطل مصري . ثانيا ستخلوا مصر من الأحزاب لانه سيأمر أيضاً باعتقالهم وعلي رأسهم الإخوان المسلمين لانه من الواضح يحمل للإخوان المسلمين كره ليس قليل ككره الزوجة لضرتها . ثالثاً سيدخل مصر انفتاح جديد كم دخل العراق و أفغانستان ولكن بطريقة وسياسة جمال مبارك الذكية . رابعاً والاهم هو انه سيجعل الوزراء و الحكومة التى ستكون في عهده من أسياد و عليت الشعب أمثال عز وعزمي و الشاذلي و العدلي وهنا ستكون مصر في أمان لأنها ستكون في يد أمناء الحزب الوطني الديمووووووووووووووووقراطي .
ربنا يسترها علي البلد في الأيام اللي جاية ومنشفش أيام أسود من اللي بنشفها الان عيشين ومش عيشين والحكومة و السلطة همها الأول و الأخير يكنزوا الفلوس ويجوعوا الشعب وشردوا الشباب ويضيعوا أحلامهم اللى من أجلها أتعلموا وسهروا الليلي علشان يحققوها ويأسفني ايضاً ان اقول ان الحكومة و اللى مسكين البلد عوزين يلهوا الشعب بقضية مقتل مطربة او مقتل بنت مطربة او بقضية انتحار لممثلة او سجن ممثل في قضية مخدرات او دعارة ويبعدوا الشعب بعيد عن لعب الساسية وميخلوش الشعب يفكر في حاجة تهم البلد سوء أموال وإيرادات قناة السويس و المبالغ المهولة اللى بيحصلوها شهرياً ذي فواتير المياه و الكهرباء و الضرائب واللي رجال المرور بيحصلوه يومين من السوقين وغيرة وغيره كتير !!!
المهم مصر فيه الخير مهم عملوا ومهما أكلوا وكنزوا علشان اللى واضح امامنا ان مصر مازالت مصر لم تتغير عبر الاحتلال المستمر من دول الغرب منذ عقود من الزمن ورغم ان دول العالم كله مشغول فيما هو فيه فأن مصرنا الحبيبة مستهدفه ولكن ستظل مصر هي وطنا الحبيب الذي رغم الفقر و الجوع و التشرد و الحرمان من ان نحقق اقل أحلام حلمنا بها و لكن سنحمي مصر باروحنا و أجسادنا وأولادنا وأموالنا ان كنا من أصحاب الأموال حتي تظل مصر هي مصر بخيراتها الي يوم الدين وإن متنا فأنا مصر وحبنا لمصر سيسجله التاريخ وسيحكي كل من سيأتي من بعدنا حكاية حب مصر وحب تراب مصر والله اعلم بما في قلبي وقلب كل مصري من حب مصرنا الحبيبة .
بحبك يابلدي وعوز أموت علي ترابك
بحبك يا مصر
بحبك يا بلادي
بقلم / ضياء الحلوجي
ليست هناك تعليقات:
إرسال تعليق