إرشادات هامة للمتظاهرين قبل النزول للمشاركه في يوم 25 يناير

1. إرشادات : أولا يجب ان يبدأ التجمع بأكثر من 20 فرد حتى لا يقوم الأمن بتشتيت المتظاهرين فراداى 
2. إرشادات : حماية جسدك اهم شئ فى المظاهرة فحاول ألا تحتك باياً من عساكر الأمن المركزى واترك من لهم خبرة فى الإحتكاكات بفعلو ذلك
3. إرشادات : حافظ على وجود شنطة خفيفة معك فيها مياة او شيكولاته او سجائر وحاول ان تتقاسم انت واصدقاءك ما ستحملونة 
4. فى حالة تشديد الكردون الأمنى على المتظاهرين تنظيم انفسهم بحيث من لديهم خبرة فى الصفوف الأمامية والبنات فى الوسط وباقى الشباب فى الخلف            
5. إرشادات : لا تضع جل على شعرك واحتفظ ببصلة معك وذلك لإستخدامها فى حالة إلقاء غازات مسيلة للدموع 
6. إرشادات : لا تحاول الدخول لمكان التجمع وحدك دون وجود تجمع اساسا ، وانتظر حتى تدخل مع مجموعة او حتى يتجمع الجميع 
7. إرشادات : كل متظاهر عليه حمل علم مصر معه او يافطة وتكون على مرأى للجميع حتى يفهم لماذا نتظاهر 
8. على كل مجموعة تخصيص واحد منها للتصوير من بعيد ويفضل البث المباشر او النشر الفورى على تويتر وتخصيص واحد او اكثر لتوزيع البيانات 
9. إرشادات : حاولوا تنظيم إعتصامات فى اماكن التظاهرات ويتم إستكمال التظاهر فى اليوم التالى  
10. إرشادات : جهز رسالة فى موبايلك بخبر القبض عليك وإرسالها فى نفس الوقت للأرقام الخاصة بمحافظتك وهى ارقام غرف العمليات 
11. إرشادات : عند إلقاء القبض عليك لا تقاوم ابداً حتى لا تتعرض للضرب فقط اتركهم لتركب سيارة الترحيلات بأمان دون التعرض لأى جروح        
12. إرشادات : حاول تخبئة كارت الميمورى فى مكان امين فى جسدك حتى لا يتم سحبة منك وذلك عند القبض عليك 
13. إرشادات : ليس من حق احد تفتيشك خارج قسم الشرطة او النيابة ولذلك التفتيش يكون ذاتياً خارج هذه الأماكن 
14. إرشادات : من حقك مكالمة تليفونية عند إلقاء القبض عليك وفى حالة منعك من ذلك حاول ان تكون اجريت الإتصال فعلاً فى الخبأ 
15. فى سيارة الترحيلات هيحاولو الضغط نفسياً بالسير بالسيارة اكثر من ساعتين فى اى شوارع ولكن تأكد فى النهاية إما هينزلوك او هتروح القسم 
16. إرشادات : حاول ان تلتزم بالهتاف الموحد وحاول ان يكون هناك 2 هتيفة فى نفس الوقت بالإتفاق حتى يسمع الجميع نفس الهتاف
17. إرشادات : يجب دائماً الإلتزام بقرار الجماعه داخل المظاهرة ولا تأخذ قرار فردى او عمل فردى تقوم به حتى لا تتعرض للخطر 
18. غرفة العمليات دورها كبير جداً فى المظاهرة وفى نشر اخبارها وإلا هتكون الناس بتتظاهر ومحدش يعرف عنهم حاجه
19. إرشادات : يجب دائماً الإلتزام بقرار الجماعه داخل المظاهرة ولا تأخذ قرار فردى او عمل فردى تقوم به حتى لا تتعرض للخطر 
20. إرشادات : دائماً حاول ان تسأل من لديهم خبرة فى نزول المظاهرات وفى تنظيمها عن اى شئ تريد القيام بها حتى لا تتعرض للخطر 
21. إرشادات : فى حالة القبض عليك وشدك من داخل المظاهرة حاول ان تهتف بأعلى صوت ناحية المتظاهرين حتى يراك الجميع 
22. إرشادات : فى حالة القبض عليك تأكد انه سيتم تحرك الجميع لخروجك من المكان المحتجز فيه ولا تخاف ابداً    
23. إرشادات : داخل قسم الشرطة لا تمضى على اى محضر ولا تجعلهم يعصبون عينيك او يفرقوك عن زملائك 
24. إرشادات : فى النيابة لازم تقول فى المحضر اى حاجه اتعرضت ليها ضرب ، جروح ، شتيمة ، وحاول تفتكر شكل اللى ضربوك وشتموك كويس اوى
25. إرشادات : لو لاقدر الله خدت 4 ايام على ذمة القضية لازم تحافظ على هدوء اعصابك واعرف ان فى محامين كتير مكلفين لخروجك 
26. إرشادات : داخل الزنزانة حاول ألا تحتك مادياً او بأى طريقة مع المساجين جنائياً وعرفهم انك هنا جاى فى مظاهرة والتعامل جوا بالسجاير
27. إرشادات : جوا القسم ارفض إحتجازك مع المساجين جنائياً بأى طريقة ولو دخلوك بالعافية اتكلم مع المساجين فى السياسية وهيخرجوك 
28. إرشادات : التعامل جوا السجن بيكون بالسجاير متقلقش سجايرك واكلك وكل حاجه هيوصلك لحد عندك 
29. فى النيابة لازم تقول كل حاجه حصلت ما عدا انك شاركت فى المظاهرة واى حاجه من التهم تقول محصلش وكدا كدا المحامين جوا هيكونوا معاك 
30. هام جداً : لو مجموعة مع بعض اتقبض عليها لازم واحد بس اللى يتكلم مش كلو يهجم على الظابط لما يخش ليهم عربية الترحيلات او الزنزانة
31. هام جداً : حاول تكتب اسمك فى عربية الترحيلات او الزنزانة اللى هتتحجز فيها لا قدر الله عشان هتحتاج دا فى ظروف لا قدر الله لو حصلت
32. كتابة اسمك على عربة الترحيلات او الزنزانة اهميتة فى حالة إختطافك من جهة امنية وبعدها ذهابك للنيابة هينكروا انك كنت مخطوف نقش اسمك بيثبت انك كنت فى المكان دا ومخطوف فيه
33. إرشادات : اسمع كلام المحامى دايماً جوا النيابة وحاول تستفرد بيه لو انت لسه جديد واول مره تخش النيابة عشان يفهمك الليلة
34. إرشادات : لو قررتوا إنهاء المظاهرة وعدم تنظيم إعتصام البنات تخرج الأول وبعدين الشباب الجديد وبعدين النشطاء دا لو اتعمل كردون امنى
35. إرشادات : اثناء التظاهر يتم تنصيب واحد بالتحدث مع الامن فى كل شئ
36. إرشادات : فى حالة قرار الإعتصام يجب ان يتم خروج البنات والشباب اللى هيعوزوا يروحوا لانو هيتم تشديد الكردون الامنى 
37. إرشادات : فى حالة تحرك سيارات الترحيلات دائماً يكون معاك رقمها ومتابعه ليها وتكتب فى ورقة رصد لكل تحركاتها – دا دور الناس اللى بره
38. هام جداً : الرسالة اللى هتبعتها لأرقام غرف العمليات لازم تكون فيها اسمك بالكامل – المحافظة – المكان اللى اتخادت منه – ورقم بطاقتك