بقلم الزميل عمر أبو غرُيبمستني صرخة تطل عليك من السكات ؟
امسكني واكتب أي شيء
كام الف مصري مغترب محتاجين تكتب لهم
تكتب لهم بإيدين قويه
بإيدين تساند ضعفهم
بايدين تحارب ظلمهم لبعضهم
تكتب كلام يتحس بيه
تبدأ تجمع شملهم
إكتب بجد ياعم شاعر
ولا خلاص مابقاش مشاعر؟
اكتب دي كام مليون قضيه!
هو انت يعني لو هاتكتب
لابد تسرد مسرحيه ؟
تكتب كلامك عن حبيبة خانت حبيبها
اللي كان يوفيلها هيا
خانت وسابت جوه قلبه جراح
ودموع بتنزف دم سايل زي ميه
اخرج بقي م اللي انت فيه
واكتب كلام يتحس بيه
بلاش كلام عنك كتير
وبلاش كلام يصبح يطير
اكتب بجد عن القضيه
امسكني واكتب اي شيء
ان شا الله تكتب زكريات
ولا هتفضل قاعد يامصري
مستني صرخة تطل عليك من السكات
ليست هناك تعليقات:
إرسال تعليق