‏إظهار الرسائل ذات التسميات رسالتي ايه يعني. إظهار كافة الرسائل
‏إظهار الرسائل ذات التسميات رسالتي ايه يعني. إظهار كافة الرسائل

السبت، 26 مايو 2012

رسالتي ايه يعني


ايه يعني ....!!!! 
- @ - ايه يعني شعب اتزل واتهان اكتر من 30 عام ... وايه يعني ...!!
-@ - ايه يعني مبارك يوصل طبال لقمة السلطة ويخليه يحتكر اقتصاد البلد ... وايه يعني ...!!
- @ - ايه يعني رئيس يسخر ام الدولة و الداخليه لحمايته وحماية اللي حوليه ... وايه يعني ...@
- @ - ايه يعني لما الشعب يجوع ويتظم والفقر يعم في البلد والناس تموت بالسرطان والمستشفيات تتورث لمدريها و الدواء يزيد الضعفين والمريض يموت ...وايه يعني ...!!
- @ - ايه يعني لما نتعلم ونضيع ربع عمرنا في التعليم وبعد التخرج نتعين سوائقين او نسهر وراء رقصات وغوازي ونضيع صحتنا بشرب البنجو و الحشيش ... وايه يعني ...!!
- @ - ايه يعني لما الفقر يزيد الحد والظالم يكون طاغي والعسكري يحس نفسه ظابط ويهن فينا وفي اهلينا ومحدش يقدر يتكلم ... وايه يعني ...!!
- @ - ايه يعني لما الشعب يتظاهر ويقولوا علي التظاهر ثوره ويتجمع الشعب في الميدين وكأنه فرح ابن العمد وينادوا بأسقاط النظام ...وايه يعني ...!!
- @ - ايه يعني لما يموت من شبابنا شويه ويتصاب اكتر من شويه ويتم اعتقل كمان شويه ويفضل الشعب ينادي بسقوط نظام عشان فاسد وقاتل وحرامي .... وايه يعني ...!!
- @ - ايه يعني لما مسلم ومسيحي يكون مع بعض ضد نظام فاسد ويفرحوا شويه بالوحده الوطنيه وهم في الشارع وسط الزحمة ...وايه يعني ...!!
- @ - ايه يعني لما رئيس الدوله العاقل يحس بالشعب ويتنحه ويروح يشم هواء نقي في شرم والشعب يسيبه للعسكر يشرم (.... ) ...وايه يعني ....!!!
- @ - ايه يعني لما نلاقي العسكر واقف تعظيم سلام لشباب اتقتل علي ايدين جهاز امني والشعب العبيط يفرح ويقول عليهم انهم فعلاً حماينا ....وايه يعني ..!!
- @ - ايه يعني لما نلاقي السجون اتملت من وزراء معاهم مليارات ورجال اعمال وناس كبيره في نظام سرق قوت الغلابه ... وايه يعني ...!!
- @ - ايه يعني لما نعيش سنه ونص في مسرحيه هزليه كنا شركاء فيها هههههه... وايه يعني ...!!
- @ - ايه يعني لما الاخوان المسلمين يقولوا في البدايه مش هنرشح وساعة الجد ولما يلقوا ان فيه لعب بالبلد يرشحوا واحد منهم ....وايه يعني ...!!
- @ - ايه يعني لما نشوف في السنه ونصف مذابح ذي ماسبيروا ومحمد محمود والعباسيه وغيرها ويموت فيها شويه .....و ايه يعني ...!!!
- @ - ايه يعني لما فلوسنا المتهربه مترجعش وابن بطرس غالي يبرتع بيها في لندن وحسين سالم يعيش بها هو وولاده في اسبانيا ... وايه يعني ...@ 
- @ - ايه يعني يكون فينا ابطال من الشباب دذ البطل المصري اللي غامر وشال العلم الصهيوني من فوق السفاره ساعة اقتحمها وبعدين لقي مصر اوقفت الغاز وتقول اللي تحتاجه مصر يحرم علي اسرائيل وبعدين نظمنا المحترم يعمل تسويه مع اسرائيل وهترجع ليهم الغاز ببلاش ... وايه يعني ....!!
- @ - ايه يعني لما الانتخبات الرئاسية تيجي والشعب يخون نفسه ... وايه يعني ...!!
- @ - ايه يعني الشعب يعمل ثوره عشان يسقط نظام ويرجع ينتخب نفس النظام وينسا انه فيه ناس ماتت وهي بتقول يسقط هذا النظام ... وايه يعني ...!!
- @ - ايه يعني لما واحد يضرب بالجزمه قبل الرئاسه ولما يصبح رئيس يضربنا بالجزمه ... وايه يعني ...!!
- @ - ايه يعني لما نموت من الجوع ونتزل ونتهان 30 سنه كمان .. وايه يعني ...!!
- @ - ايه يعني لما العسكر يتحالف مع الرئيس اللي النظام الفاسد دعمه وينيموا الشعب المصري من العصر واللي يتكلم في السياسه يتحاكم لانه سيادة دوله وحفظ للهيبة الدوله وحفظ للأمن الوطني ... وايه يعني ...!!
- @ - ايه يعني لما نفضل عبيد لحكام مفيش في قلوبهم رحمه .. ايه يعني لما يبقه محرم علينا نشم رياح الحريه حتي لو ليوم واحد .... وايه يعني ...!!!
وايه يعني لما انا اقول كلمه وقفه في زوري حرام عليكم حرام عليكم حرام عليكم يا شعب مصر تخون دم شبابنا الي مات عشان الحريه وانت يا شعب تختار الزل و العبوديه ... حرام  حرام  بس برضه .. وايه يعني ...!!!@
رسالتي :: من وايه يعني .. انك ترجع لعقلك وتفكر في مستقبل اولادك وضحي عشانهم بأنك تختار صح ....@
انا كنت بدعم مرسي ومشروع النهضه ودلوقتي انا هدعمه اكتر من الاول حتي لو كان فيها موووووووووووتي ... انا اموت واولادي يعيشوا في حريه ... وامان ....@ 
اخوكم : ضياء الحلوجي 

اصدقائي في العالم