‏إظهار الرسائل ذات التسميات صفقة تبادل الأسري. إظهار كافة الرسائل
‏إظهار الرسائل ذات التسميات صفقة تبادل الأسري. إظهار كافة الرسائل

الخميس، 13 أكتوبر 2011

صفقة تبادل الأسري مع الكيان الصهيوني ...هل هو انتصار وعزة ام زل وعار


قرأت تساؤل طرحه البعض بعد إعلان صفقة تبادل الأسري وأحسبهم مخلصين في طرحهم: هل مبادلة أسير صهيوني واحد ب1000 أسير فلسطيني نصر وعزة أم ذل وعار على أساس الفرق الضخم بين الرقمين؟؟؟

بس هل تعرفوا التمن الحقيقي اللي إتدفع في الصفقة دي إيه؟

التمن ده كان : [أكتر من 5000 شهيد في حرب غزة اللي فاتت - كان أكتر من 150 شهيد أستشهدوا على معبر رفح عشان إتمنعوا من العبور للعلاج - كان تدمير شبه كامل للبنية التحتية في غزة - كان حصار خانق مستمر من أكتر من 5 سنين بشكل متواصل - كان 60% على الأقل إصابة بسوء التغذية وسط أطفال غزة - كان أكتر من 70% تحت مستوى الفقر - و80% بطالة - كان تدمير شبه كامل للمصانع والمزارع - كان خوف وقلق حل مكان الأمن والسكينة في قلوب كل بيت فلسطيني في غزة - كان أكتر بكتير من الكلام اللي فات ده كله لإن ده بس اللي أنا أعرفه وما خفي كان أعظم]

حاسين دلوقتي إن التمن كان غالي قوي, صح؟ وحاسين إن مكنش يستاهل تحرير 1027 أسير إن يتدفع التمن ده كله, مش كده؟
طيب عرفتوا دلوقتي التمن اللي إتدفع؟؟؟ بس يا ترى إنتو عارفين إيه المقابل؟
المقابل مكنش الـ 1027 أسير اللي إتحرروا!!! لاء
[المقابل كان صمود أسطوري لشريط ساحلي صغير مكتظ مقابل إتنين من أبشع أنظمة القهر والتنكيل في العالم وهما الكيان الصهيوني ونظام مبارك الخائن ومن وراهم أنظمة العالم كله - المقابل كان كرامة وعزة لشعب طول عمره عزيز ومقاوم - كرامة وعزة عملنا ثورة في مصر أستشهد فيها أكتر من 1000 شهيد و20 ألف جريح عشان نستردها تاني ولسة محصلناش عليها كاملة - المقابل كان صمود أول حكومة بمرجعية إسلامية في التاريخ الحديث تكالب العالم كله على إسقاطها ومعرفش - المقابل كان مجموعة مقاومة في غزة لا تتجاوز كام ألف واحد تكون الند بالند لجيش جرار]

اصدقائي في العالم