‏إظهار الرسائل ذات التسميات نخنوخ والاعترافات الخطيره المتتاليه. إظهار كافة الرسائل
‏إظهار الرسائل ذات التسميات نخنوخ والاعترافات الخطيره المتتاليه. إظهار كافة الرسائل

الخميس، 20 سبتمبر 2012

نخنوخ والاعترافات الخطيره المتتاليه




كشفت تحقيقات النيابه العسكريه عن تورط "صبرى نخنوخ "فى فتنه إمبابه بتحريض من سوزان وعلاء مبارك كما كشفت التحقيقات عن سفر جمال مبارك ثلاث مرات خارج مصر لتهريب الاموال المنهوبه بالاشتراك مع منير ثابت وحسين سالم كما كشفت التحقيقات ايضا انه كانت هناك تخوفات من هروب اعضاء المجلس العسكرى خارج البلاد فى اعقاب الثوره المعلومات الجديده التى ننفرد بنشرها من شأنها ان تغيرمجرى التحقيقات مع "صبرى نخنوخ" الذى ك ان مقربا لأسره الرئيس المخلوع خصوصا ابنه علاء كما ورد باقواله امام النيابه العامه المعلومات الجديده وردت فى تحقيقات النيابه العسكريه فى القضيه المعروفه اعلاميا بضباط 27 مايو وحملت رقم 599/2011 ج . ع شرق وهم الضباط الذين كانوا يعترضون على سياسات المجلس العسكرى فى حمايه مبارك ورجاله وعداءهم للثوره وكانوا يدبرون لمحاوله الأطاحه به هذه المعومات الخطيره والجديده وردت قى اقوال العقيد اركان حرب عمرو جميل ونص هذه الأقوال كالتالى : " 
---------------------------
 اسمى عمرو جميل محمد كامل ومحل ميلادى الأسكندريه واعمل عقيد اركان حرب بالقوات المسلحه ورئيس عمليات مدفعيه " النيابة : ما هو قولك فيما هو منسوب اليك ؟ العقيدعمرو جميل :" محصلش وكل الموضوع اننى تعرفت على العقيد معاش محمود عبدالعلى الشهابى منذ شهر فبراير عام 2011 من خلال معرفتى برئيس شركته وبعدين صارت صداقه بيننا ومره وانا عنده فى المكتب اخبرنى انه ينتوى الترشح لرئاسه الجمهوريه واعتقدت انه بيهزر ومعلقتش واعتقدت انه مجرد كلام لحد معرفت فعلا انه هيرشح نفسه لرئاسه الجمهوريه وفى احدى اللقاءات تحدثنا فى حال البلد وقال لى انه يعلم بقيام كلا من علاء وجمال مبارك بالسفر خارج البلاد ثلاث مرات الى انجلترا وان الفلوس بتاعتهم اتهربت بره عن طريق البر والبحر والجو وان منير ثابت شقيق سوزان مبارك سافر ورا الفلوس بره وانه تقابل مع حسين سالم وده معناه ان اصحاب الفلوس هيطيروا وراها وان سبب احداث الفتنه الطائفيه بامبابه كان وراها سوزان وعلاء مبارك لانهم توجهوا إلى احدى الاماكن بمحافظه الجيزه وتقابلوا مع اباطره البلطجيه بالبلاد وانهم تقابلوا مع المدعوا صبرى نخنوخ وبعدها حدثت فتنه امبابه وان معنى هذا الكلام ان حسنى مبارك وزوجته واولاده سوف يغادرون البلاد وان هذا سوف يضع المجلس العسكرى والمشير فى وضع حرج جدا وهذا سوف يؤدى الى ضروره سفر المشير ايضا وده معناه ان البلد مش هيبقى فيها حد يسيطر عليها وهذا لوحدث يبقى محتاجين ان القوات المسلحه تسيطر على البلاد حتى لا نكون مثل ليبيا او سوريا وهذا الكلام كان بينى وبين العقيد معاش محمود عبدالعلى الشهابى وقلت ليه اركن الكلام ده بسبب الظروف اللى احنا فيها فقالى من السهل ان الرؤوس الكبيره تبقى بايدى وبكده نبقى قمنا بالسيطره على البلد وبعد كده تروح تعليمات للقوات عن طريق التليفون من مكتب سكرتير قائد الجيش للسيطره على البلد وانتهى الحديث على ذلك وبعدها انا قابلت الرائد محمد يسرى رئيس افراد وتحدثت معه فى هذا الموضوع لو حدث مثل هذا السيناريوا وكنت بدردش معاه كصديق واشوف رأيه فى اللى قلته والسيطره على البلد حاله عدم وجود المجلس العسكرى فقال لى هذا الكلام مش مضبوط وانا بصراحه قلبى ضعيف فاننا قلتله بدردش معاك واعتبر انى مقلتش ليك شىء وبعدها قابلت لواء 69 مدفعيه ورد عليا وقالى ده يبقى اسمه انقلاب وقالى ينفع تعمل انقلاب لصالح حد فقلت له لا انا لا ادور على انقلاب انا بدور على مصلحه البلد فقالى لازم يكون فيه رمز كبير على ان يتجمع حوله الجيش ويسيطر على البلد فانا ردين انى يثق فى احد الساده اللواءات وهو اللواء مقاتل محمود عبدالمقصود شلتوت بعد كده العقيد سيد قالى بلاش نتكلم فى هذا الكلام زسيب الامور وربنا يسترها احسن الكلام ممكن يودى فى داهيه وانا اقتنعت بكلامه وسكت بعد كده فوجئت ان المخابرات جت الوحده وسالوا عنى واخدونى وعملوا محضر وجابونى هنا 
--------------------- 
النيابة : متى واين حدث هذا ؟ العقيدعمرو جميل :الكلام ده حصل بعد احداث امبابه بيوم بحوالى اسبوع او اربعه ايام فى السويس فى المكتب اللى بيشتغل فيه محمود عبدالعلى وجت المخابرات خدتنى من السويس اول امبارح ---------------------------- النيابة : ما علاقتك بالعقيد محمود عبدالعلى ؟ العقيد عمرو جميل : انا اتعرفت عليه من ثلاث شهور بالسويس وصارت صداقه النيابة : ما هى الاحاديث التى دارت بينك وبين العقيد محمود عبدالعلى؟ العقيد عمرو جميل :منذ تعرفى عليه واحنا بنتكلم فى احوال البلد واحاديث عامه وانه مرشح نفسه لرئاسه الجمهوريه النيابة :هل دار بينك وبين العقيد محمود عبدالعلى ثمه احاديث حول القوات المسلحه واسلوب عملها ؟ 
------------------ 
العقيد عمرو جميل :هو قالى انه يعلم ان جمال مبارك سافر ثلاث مرات خلال فتره قصيره وان سوزان وعلاء قابلوا بلطجى كبير اسمه صبرى نخنوخ بمنطقه الجيزه و حدثت الفتنه الطائفيه بتاعت امبابه وان الفلوس بتاعت الرئيس السابق سافرت بره بواسطه منير ثابت وحسين سالم 
--------------
 النيابة : وهل استفسرت من العقيد محمود عبدالعلى عن مصدر هذه المعلومات ؟ العقيد عمرو جميل :هو قالى انه سمع الكلام ده من ضابط طيار فى الخدمه شاف هذه الطائرات وكان فيها جمال مبارك " يقصد المقدم طيار هانى شرف " 
---------------------- 
النيابة :وما هو مضمون الحديث الذى دار بينك والعقيد المزكور بشأن القوات المسلحه ؟ العقيد عمرو جميل :انا ومحمود اتكلمنا انه فى حاله سفر الرئيس السابق واسرته خارج البلاد ان ده هيحط المجلس العسكرى فى وضع محرج واستنتجت ان المشير هيطير هو كمان وان ده لو حصل مش هيبقى فيه حد يسيطر على البلد وهتبقى فوضى 
---------------------------------
 النيابة : وما الاجراءات التى اتفقتم على اتخاذها عند ذلك ؟ العقيد عمرو جميل : هنحاول نسيطر على البلد بالقوات المسلحه عن طريق تحييد الرؤوس الكبيره وهم قوه الجيش ورئيس اركانه ومساعديه 
------------------------
 النيابة : وما هو السبيل بتحييد القاده حال تنحى المجلس العسكرى ؟ العقيد عمرو جميل : هروبهم او القبض على القاده داخل الوحدات واللى خارجها يتقبض عليهم بواسطه اللجان الشعبيه واللى جوه الوحدات يتقبض عليهم عن طريق الضباط اللى خايفين على بلدهم .

اصدقائي في العالم