‏إظهار الرسائل ذات التسميات قصة منجم السكري. إظهار كافة الرسائل
‏إظهار الرسائل ذات التسميات قصة منجم السكري. إظهار كافة الرسائل

الخميس، 11 أبريل 2013

قصة منجم السكري



بدأت في التسعينات لما جه الجيولوجي المصري سامي الراجحي وطلب من الحكومة حق التنقيب عن الذهب في جبل السكري
ومكان المنجم معروف من سنين طويلة والحكومة سايبه قبائل البدو ينقبو بوسائل بدائية ويسرقو الذهب دون حساب وبما ان قوانين الدولة والحكومة ساعتها كانت بتحارب أي مستثمر مصري فرفضو اعطاء سامي الراجحي حق التنقيب فسافر سامي الراجحي لاسترراليا واسس شركه اسمها سنتامين بالمشاركة مع اجانب من استراليا وجنوب افريقيا وانجلترا وقدمو العقد ووافقت الحكومة وغير معروف حتي الان حقيقة النسبة الاولي للعقد بين الحكومة والشركه ولكن المعروف الان ان النسبة بين الحكومة والشركة 50% و50% قبل خصم التكاليف علي الحكومة وظلت الشركة تبحث عن الذهب من عام 97 وحتي 2009عندما تم الوصول لعرق الذهب في الصخر وتم انتاج اول سبيكة عندها ويعمل المنجم بطريقتين اسلوب المنجم المفتوح يعني بيكسرو الصخر من علي وش الارض بواسطة المتفجرات واسلوب الانفاق المستخدم في كل مناجم العالم والسبب ان حجم المنجم كبير ونسبة الذهب عاليه جدا من حوالي 2 جرام في الطن لحوالي 10 جرام في الطن وتخيل انهم بيكسرو يوميا 100 الف طن صخر بمتوسط 3 جرام في الطن ويعد المنجم من اكبر 10 مناجم ذهب في العالم ومرشح ليكون من اكبر 3 مناجم ذهب في العالم
....
موضوع السرقه والنهب :
ــــــــــــــــــــــــــــــــــــــ

بطريقتين اولا طريقه لا يعلمها احد حتي الان وهي موضوع نسبة الدولة من العقد والتي قيل انها اتعدلت لتكون فيفتي فيفتي بعد خصم التكاليف علي الدولة فقط

ثانيا موضوع التكاليف
خد عندك مثلا موضوع الاجور في حوالي 200 اجنبي في المنجم اقل واحد فيهم بياخد 20 الف دولار شهريا ودا اللي بيكون مساوي لدبلوم صنايع عندنا اما مدير عام المنجم اسمه تيري سميث انجليزي بياخد تقريبا 100 الف دولار شهريا
المصريين حوالي 1700 مصري اعلي واحد فيهم بياخد من 10 ل12 الف جنيه
ودا اللي بقاله في الشركه اكتر من 10 سنين او مدير كبير او مسئول عن حاجه كبيره واقل مصري بياخد 1200 ج دا اللي ماضي عقد اما اللي باليومية بياخد 800 ج
نظام الاجازات 20 يوم شغل بياخد قصادهم 10 ايام راحه والعمل 12 ساعه يوميا واليوم الغياب بدون عذر بيومين خصم والساعه تاخير بدون استئذان ب4 ساعات
من ضمن التكاليف او المصاريف موضوع الاكل وهو اكل 4 نجوم وفي تمييز في بعض الحاجات للمديرين عن الباقين في موضوع الاكل .

باختصار موضوع التكاليف دا يشمل كل حاجه الشركة بتصرفها عالناس اللي شغاله والمعدات والانشاءات من الابره للصاروخ وهنا بيكون اللعب الكبير بمعني ان في مقاول توريد واحد بس المسموح له ان يورد أي حاجه هذا المقاول هو زوج بنت سامي الراجحي
وكمان كل المساهمين في الشركة متعينين فيها وبمرتبات خيالية بمعني ان مدير عام الشركة هو العميد عصمت الراجحي اخو سامي الراجحي ونائبه يوسف ابن سامي الراجحي وهكذا وكلهم متعينين انهم اجانب لانهم معاهم الجنسية الاستراليه
اخر حاجه موضوع خروج الذهب بيكون صب الذهب في يوم غير معروف لحد وبيحضر الصب وخروج الذهب مندوب من هيئة الثروة المعدنية والمخابرات والامن الوطني والشركة وشركة امن وبيتوزن كل سبيكة ويشمعوها وتسافر كندا بنسبة نقاء 97 % وماترجعش وهنا اللغز اللي محدش عارفله حل .

طبعاً يمكن يكون اول مره اعرف واطلع علي هذه المعلومات ولكن هل ستترك الحكومه الحاليه الوضع علي ما هو عليه ام سيكون هناك وقفه لكي يكون خير مصر للمصريين مش لكندا ولا استراليه ولا الجن الازرق ذي مبنقول ..... @

دا تقريبا ملخص للموضوع
اشكر د / أ . ع علي هذه المعلومات

اصدقائي في العالم