‏إظهار الرسائل ذات التسميات يارب الفرج من عندك. إظهار كافة الرسائل
‏إظهار الرسائل ذات التسميات يارب الفرج من عندك. إظهار كافة الرسائل

الخميس، 22 أبريل 2010

ابيات شعر معبره لعمي مبارك



كيف الحال يا عم حسنى وكيف اخوالك
كيف صحة الولد ربنا يخلى لنا جمالك
البنت مصر بنتك لسه قرفاك فى حياتك
ما تسيبها يا عمنا وبلاش تديها لولادك


البيه جمال كيف حال جزمته الجديدة
داس على كام رقبة وشرف فقيرة
ولا يهمك يا بوى الكلام من دى الوتيرة
عام يقولوا حرية ووطنية وشوية ميه نضيفة

بيقولوا ولاد الكلب الفقرا ام دم تقيل
ان الحاج حبيب نازل فيهم طحن وتقتيل
وايه يعنى لما يدرب ولاده على التنشيل
والرجالة يجربوا الجذم الجديدة على القتبل

معلهش يا بوى ماهو مش فاهمين
يسيبوا الاسمر جمال عشان رغيفين
ويفرحوا لما تريكة جابلوهم جونين
مش بقولك يا حاج اغبيا مش فاهمين

وايه اخبار صاحب ولدك الجديد
الباشا الابيضانى بتاع سيخ الحديد
مش زين ربنا يديكم العمر المديد
وفى داهية انا ومصر وحبها الشديد

وانت يا مصريا اما كيفك يا والية
بقولك ما تشيلى عشقك غارز جوايا
عايز اعيش واجوز الوله والبنية
ويا دوب اكل لقمة وشربة مش هنية

واه يا با يا اللى سبتينى مت بدرى
ليه مخلتنش من اللى اخطف واجرى
كيف يا ابا زرعتنى جواها من جذرى
بيقولى ماهو العشق مكتوب يا ولدى

وانت ايه يا دمعه العين الحارقة
لية فرتى لما لاقتيها مواطية وراكعة
قالت اسال شجرة الشوق اللى جواك سارحة
ضحكت وضحكتى طلعت حادقة

اصدقائي في العالم