‏إظهار الرسائل ذات التسميات عصيان مدني بين قوسين حالة تعجب ؟؟؟؟. إظهار كافة الرسائل
‏إظهار الرسائل ذات التسميات عصيان مدني بين قوسين حالة تعجب ؟؟؟؟. إظهار كافة الرسائل

الأربعاء، 20 فبراير 2013

عصيان مدني بين قوسين حالة تعجب ؟؟؟؟


يعني ايه عصيان مدني في أي حته في الدنيا...؟ يعني أنا اقرر مانزلش الشغل علشان أضغط على الحكومة لسبب ما. طيب يعني ايه عصيان مدني في بورسعيد...؟ يعني أنا اقر انزل الشغل, لكن مجموعة من الثوار الأطهار الأبرار الـ......... تمنعني بالقوة اني أوصل لمكان شغلي أنا وحوالي عشر الاف عامل بيشتغلوا في حوالي سبع مصانع بيصدروا بملايين الدولارات كل شهر...! واللي يحاول يدخل شغله بيضرب أو يتحدف بالطوب...! لا والألطف من كده ان هذه المجموعة الجميلة من الثوار الاطهار امبارح دخلوا مدرسة بورسعيد الدولية للغات على الاطفال في ( KG ) عشان يطلعوا الاطفال من المدرسة عشان أولياء الأمور مايودوهومش المدرسة تاني, يقوم العصيان المدني ينجح... كل اللي هاقوله لأي حد شايف ان دول ثوار أطهار أبرار ومبسوط بوضع بورسعيد: الهي تشوف الموقف ده في أولادك...! يجيلك خبر ان البلطجية نطو من على سور مدرسة أولادك اللي عندهم اربع سنين وان الولاد في الشارع في وسط مظاهرة... وابقى قوللي هاتعالج أولادك نفسيا في انهي مصحة...! وبعدين السادة المستثمرين يعملوا اتفاق مع الثوار الابرار دول نفسهم, الاتفاق بيقول ان الثوار يسمحوا للعمال تشتغل لحد الساعة 12 ظهرا, وايه المقابل ياولاد...؟ ان العمال يطلعوا من المصانع الساعة 12 وبنضموا للمظاهرات فيبقى العدد كبير...! نفعني وانفعك...! ومصر ياعيني بقت شبه بنت مقطوعة من شجرة وبتتأجر بالساعة, اللي بيأجروها كلهم أقذار, وهي معندهاش حل غير انها تسيب نفسها عشان تلاقي تاكل...! ماهي ياعيني مالهاش رجالة تاخد بالها منها... جاتنا القرف كلنا, بنزيط في الزحمة... والله مانستاهل أحسن من كده...!

اصدقائي في العالم